Zartepaga sayohat
Angor tumanidagi 28-sonli umumta’lim maktabi o‘quvchilari o‘qituvchilari bilan bargalikda sayohatga chiqishdi. O‘lkamiz tabiati , boy tariximizni o‘rganish maqsadida “'Zartepa” yodgorligida bo‘lishdi. Geografiya va tarix fani o‘qituvchilari o‘quvchilarga yodgorlik tarixi haqida ma’lumot berishdi. Jumladan, qadimgi shahar xarobasida arxeologik qazishmalar natijasida “Zartepa”ning shahriston qismidan uy-joy qoldiqlari va ko‘chalar ochilganligi, topilmalarning eng qadimgisi mil. avv. 4-2 asrlarga, keyingilari ilk o‘rta asrlar to‘g‘ri kelishi haqida o‘quvchilarga so‘zlab berishdi. Sayohat davomida o‘quvchilar qiziqarli taassurotlarga ega bo‘lishdi.