Angorda ikkita maktabgacha ta’lim tashkiloti foydalanishga topshirildi

Angorda ikkita maktabgacha ta’lim tashkiloti foydalanishga topshirildi.

Angor tumanidagi "Qadimiy Angor" va "Gilambob" mahalla fuqarolar yig‘inida maktabgacha ta’lim tashkilotlari foydalanishga topshirildi. Mazkur muassasalarda bolajonlar uchun barcha shart-sharoitlar yaratib berilgan. “Qadimiy Angor” mahallasidagi 12-sonli maktabgacha ta’lim tashkilotining eski binosiga ilgari 60 nafar tarbiyalanuvchi qabul qilingan. Hozirgi  yangi, zamonaviy ta’lim tashkiloti 120 o‘ringa mo‘ljallab qurildi. Barcha qulayliklarga ega “Gilambob” mahallasidagi 10-sonli maktabgacha ta’lim tashkiloti ham 120 nafar bolajonlarni o‘z bag‘riga oladi.  Tashkilotlarning ochilish marosimida tuman hokimi Shohjahon Abdullaev so‘zga chiqib, bolajonlar uchun maktabgacha ta’lim tashkilotlarida yaratilgan sharoitlar haqida to‘xtalib o‘tdi.

Shundan so‘ng, tadbir ishtirokchilari yangi zamonaviy ko‘rinishda bunyod etilgan bog‘chada kelajagimiz bo‘lgan bolajonlar uchun  yaratilgan sharoitlar bilan tanishdi.

Ma’lumot o‘rnida aytish kerakki, tumanda joriy yil yakuniga qadar yana 3 ta yangi maktabgacha ta’lim tashkilotining foydalanishga topshirilishi rejalashtirilgan. Hozirgi kunga qadar 3 ta yangi maktabgacha ta’lim tashkiloti ishga tushirildi.