Qilmish qidirmish
Ma’naviyati nuqsonli bo‘lgan kishi borki, xatti-harakati oqibatini o‘ylamay ish qilib, jinoyatchi, degan tamg‘ani orttirib oladi. Bugun e’tiboringizga havola etilayotgan jinoyat tafsiloti ishtirokchi ham bir umidvor mushtipar yosh oilaning boshlig‘i.
Afsuski, jinoyat yo‘lini tanlagan yigit jismonan sog‘lom, tog‘ni ursa talqon qiladigan yoshda. Biroq, u og‘irning ustidan, yengilning ostidan o‘tishni afzal ko‘rgan odam.
Sudning hukmiga ko‘ra, A.Jasurboyev (ismi sharifi o‘zgartirilgan) o‘zining yashash honadonida qonunga xilof ravishda boylik orttirish maqsadida ko‘p miqdorda bo‘lgan “Marixuana” giyohvandlik vositasini kelgusida sotib o‘tkazish maqsadida saqlab kelayotgan holati haqida “X” ismli shaxsning Denov tumani IIB boshlig‘i nomiga yozgan arizasiga hamda olingan tezkor ma’lumotga asosan, Denov tumani IIB JQB va TQX T va CHXTG hodimlari birgalikda 2024 yil 06 sentyabr kuni soat 19:30 da A.Jasurboyevning Denov tumani “Dashtichinor” mahallasida joylashgan yashash honadonida tezkor tadbir davomida shartli haridor sifatida kiritilgan “X” ismli shaxsga, 1.000.000 (bir million) so‘m miqdoridagi pullarga yonida bo‘lgan 5 (besh) dona “Spichki” yozuvli gugurt qutisiga solib qadoqlangan o‘ziga xos o‘tkir xidli, yashil rangli sof og‘irligi 22,21 (yigirma ikki butun yuzdan yigirma bir) gramm “Marixuana” giyohvandlik vositasini sotayotgan holati aniqlanib, videokamera qo‘llangan holda holislar ishtirokida Paket №1 ga 5 (besh) dona “Spichki” yozuvli gugurt qutisiga solib qadoqlangan “Marixuana” giyohvandlik moddasi tegishli tartibda rasmiyshtirib olingan.
Shundan so‘ng, shu kuni soat 19.35 larda sudlanuvchi A.Jasurboyevning Denov tumani “Dashtichinor” MFYdagi yashash xonadonida Denov tumani IIB JQB va TQX T va CHXTG hodimlari birgalikda kechiktirib bo‘lmas ko‘zdan kechirish tergov harakati o‘tkazilganida qonunga xilof ravishda ko‘p miqdorda bo‘lgan “Gashish” giyohvandlik vositasini o‘tkazish maqsadini ko‘zlamasdan saqlab kelayotgan sof vazni 4,01 (to‘rt butun yuzdan nol bir) gramm “Marixuana” giyohvandlik moddasi yashash honadonidagi yashash honalari birida dasturxon ustida bir dona “Spichki” yozuvli gugurt qutisiga solib saqlab kelayotganligi aniqlanib, hujjatlashtirib olingan.
Surxondaryo viloyati IIB EKBning 07.08.2024 yildagi №303-sonli xulosasiga ko‘ra fukaro A.Jasurboyevdan olingan 1-raqamli 5 (besh) dona “SPICHKI” yozuvli gugurt qutilarida bo‘lgan yashil rangli, maydalangan, o‘ziga xos o‘tkir xidli, quruq holdagi, o‘simlik qismlari moddalari tarkibida faol tetragidrokannabinol moddasi mavjud bo‘lib, giyohvandlik vositalari turiga kirishi, ushbu o‘simlik moddasi “marixuana” giyohvandlik vositasi ekani, 1-raqamli 5 (besh) dona “SPICHKI” yozuvli gugurt qutilarida bo‘lgan “marixuana” giyohvandlik vositalarining jami sof og‘irligi 22,21 (yigirma ikki butun yuzdan yigirma bir) grammni tashkil qilishi;
2-raqamli 1 (bir) dona “SPICHKI” yozuvli gugurt qutilarida bo‘lgan “marixuana” giyohvandlik vositalarining jami sof og‘irligi
4,01 (to‘rt butun yuzdan nol bir) grammni tashkil qilishi qayd etilgan.
Sudda sudlangan A.Jasurboyev aybiga to‘liq iqror va pushaymonlik bildirib suddan qonuniy yengillik berishni so‘ragan.
Ushbu jinoyat ishi jinoyat ishlari bo‘yicha Denov tuman sudi tomonidan ko‘rib chiqilib, ish hujjatlari atroflicha o‘rganilib, sudning 2025 yil 9 yanvar kunidagi hukmiga ko‘ra, Jasurboyev Azimjon Anvar o‘g‘liga nisbatan O‘zbekiston Respublikasi JK 273-moddasining 5-qismi bilan JKning 57-moddasini qo‘llab, 5 yil muddatga ozodlikdan mahrum qilish jazosi, JK 276-moddasi 2-qismining “a” bandi bilan 3 yil muddatga ozodlikdan mahrum qilish jazosi, JKning 59-moddasi tartibida, tayinlangan jazolarni qisman qo‘shish yo‘li bilan uzil-kesil 5 yil 6 oy muddatga ozodlikdan mahrum qilish jazosi tayinlangan.
Jinoyat ishi Surxondaryo viloyat sudi jinoyat ishlari bo‘yicha sudlov hay’ati kassatsiya instansiyasida sudlangan A.Jasurbekovning kassatsiya tartibidagi shikoyatiga asosan 2025 yil fevral oyining 10 kuni ko‘rib chiqilib, jinoyat ishlari bo‘yicha Denov tuman sudining 2025 yil 9 yanvar kunidagi hukmi o‘zgarishsiz, shikoyat qanoatlantirilmasdan qoldirilgan.
Halqimizda “Sayoq yursang tayoq yeysan” degan dono bir hikmat bor.
Mana ko‘za kunda emas, kunida sinadigan kun keldi. Qonunning qo‘li uzun, nigohlari o‘tkir. Uning nazaridan, qat’iy talabidan, qolaversa, jazodan qochib qutilib bo‘lmaydi.
Surxondaryo viloyat sudi
jinoyat ishlari bo‘yicha
sudlov hay’ati sudyasi J.Xudoyberdiyev