Alisher Navoiy tavalludi nishonlandi

Bugun Angor tumanining Sharq guli mahallasi hududida joylashgan alohida taʻlim ehtiyojlari bo‘lgan ko‘zi ojiz bolalar uchun ixtisoslashtirilgan “Nurli maskan” maktab-internatida buyuk mutafakkir shoir Alisher Navoiy tavalludining 584 yilligi munosabati bilan tadbir o‘tkazildi. Unda Hazrat Navoiyning hayoti, boy madaniy merosi va bugungi kundagi qadr-qimmati xususida fikr yuritildi. Gʻazal va ruboiylaridan namunalar o‘qildi.

Tadbir davomida o‘quvchilar o‘rtasida "Zakovat" intelektual o‘yini o‘tkazildi. O‘yin davomida Alisher Navoiy hayoti va ijodiga oid savollar o‘rtaga tashlandi.

Tadbirda faol qatnashgan ishtirokchilarga sovg‘alar berildi.