Alisher Navoiy-o‘zbek adabiy tilining asoschisidir

Angor tumanida buyuk shoir va mutafakkir Alisher Navoiy tavalludining 584 yilligi munosabati bilan "Alisher Navoiy-o‘zbek adabiy tilining asoschisidir" mavzusida tadbir tashkil etildi.

Ushbu tadbirda tumandagi umumiy o‘rta ta’lim maktablarining o‘qituvchi va o‘quvchilari hamda keng jamoatchilik vakillari ishtirok etishdi. Bayram avvalida so‘zga chiqqanlar Navoiy hayoti va ijodi, uning asarlari o‘zbek adabiy tilining yaratilishida muhim ahamiyat kasb etganligi xususida ta’kidlab o‘tildi.

Shundan so‘ng, tadbirning badiiy qismida o‘quvchilar tomonidan Navoiy ijodidan namunalar o‘qilib, asarlaridan parchalar namoyish etildi.