Туман ҳокими россиялик инвестор билан учрашди

Бугун Ангор тумани ҳокими Қосим Мардонов “Тановар Сурхон" МЧЖ хорижий корхонаси таъсисчиси Горпинченко Павел Василевич билан учрашди.

Хорижий корхона фаолияти 2018-йилда бошланган. Ҳозирги кунда йилига ўртача 500 тонна сабзавот маҳсулотлари хорижга экспорт қилинади.

Учрашув давомида хорижий корхона фаолиятини кенгайтириш мақсадида амалга оширилиши белгиланган енгил конструкцияли иссиқхона қурилиши лойиҳаси бўйича музокара олиб борилди. Унда икки томонлама келишув асосида келгуси режалар лойиҳа тасдиқлаб олинди.

Келишувга кўра, корхона томонидан 2023-2024-йиллар давомида қиймати 5 млн долларлик замонавий иссиқхона ташкил этиб, қўшимча 150 та иш ўрни яратиш ва йилига 1.5 млн долларлик экспорт амалга ошириши белгиланди.