Mas’ullar ishtirokida yigʻilish boʻlib oʻtdi.

Angor tumanida Surxondaryo viloyati Ekologiya va atrof muhitni muhofaza qilish boshqarmasi boshligʻi Roʻzigul Safarova, tuman hokimi Shohjahon Abdullayev, sektor rahbarlari hamda mas’ullar ishtirokida yigʻilish boʻlib oʻtdi.

Unda joriy yil davomida ekologiya va atrof-muhitni muhofaza qilish sohasida amalga oshirilgan ishlar tanqidiy-tahliliy muhokama qilindi.

Shuningdek, “Yashil makon” umummilliy loyihasi doirasida ekilgan koʻchatlarning parvarishi hamda kuz mavsumida koʻchat ekilish jarayonlariga tayyorgarlik koʻrish mavzusiga alohida toʻxtalib oʻtildi.

Bundan tashqari, chiqindilar bilan bog‘liq boʻlgan
muammoli masalalar ham muhokama qilinib, bartaraf etish boʻyicha tegishli chora-tadbirlar belgilab olindi.