Muhokama

Angor tumanining Ilgʻor mahallasida yashovchi, 1986-yilda tugʻilgan D.I. 29- iyul kuni oʻzining yashash uyida turmush oʻrtogʻi Ch.N. ni qasddan oʻldirib, qotillik jinoyatini sodir etgan.

Mazkur jinoyatga sabab boʻlgan omillar Surxondaryo viloyati IIB boshligʻi, tuman hokimi, sektor rahbarlari, mahalla faollari, imom-xatiblar va keng jamoatchilik vakillari ishtirokida muhokama qilindi.

Muhokamada jinoyatchilikning oldini olish maqsadida profilaktika inspektorlari, mahalla raislari va boshqa mas’ullar tomonidan tushuntirish va targʻibot ishlarini kuchaytirish kerakligi ta’kidlandi. Shuningdek, fuqarolarning yashash tarzi, ijtimoiy ahvoli, nizoli oilalar, ayniqsa muayyan faoliyat bilan band boʻlmagan fuqarolar bilan suhbatlar oʻtkazish kerakligi ta’kidlab oʻtildi.

Bundan tashqari, aholi oʻrtasida diniy-ma’rifiy, madaniy va axloqiy tarbiya boʻyicha targʻibot tadbirlarini oʻtkazish va kelgusida jinoyatlarning oldini olish borasida tegishli koʻrsatmalar berildi.