Respublikamizda 2023 yilda ilk bor aholini roʻyxatga olish tadbiri oʻtkaziladi

Ma’lumki, BMTning 2015 yil 10 iyundagi “2020 yilda aholi va uy-joy fondini roʻyxatga olish borasidagi printsiplar va tavsiyalar” rezolyutsiyasi qabul qilingan va unga asosan, BMTga a’zo davlatlar har oʻn yilda kamida bir marta aholini roʻyxatga olishni oʻtkazishi belgilab qoʻyilgan. Ayni paytda, MDH davlatlarida bu jarayonga tayyorgarlik boshlangan. 2019 yilning oktyabr oyida Ozarbayjon va Belarus davlatlarida aholini roʻyxatga olish tadbiri oʻtkazldi. Joriy yilda Armaniston, Rossiya, Ukraina, Qozogʻiston, Qirgʻiziston, Tojikiston davlatlarida mazkur tadbirni oʻtkazish rejalashtirilgan.

Mamlakatimizda mustaqillik yillarida hali biror marta aholini roʻyxatga olish oʻtkazilmagan. Ushbu tadbir soʻnggi bor sobiq ittifoq davrida 1989 yilda oʻtkazilib, oʻsha paytda yurtimiz aholisi 19,7 million kishini tashkil etgan.

Amaldagi joriy hisobga koʻra, 2020 yilning 1 yanvar holatiga koʻra respublikamiz doimiy aholisi soni 33 905,8 ming kishini tashkil etib, shundan shahar aholisi soni 17 118,4 ming kishini (jami aholi soniga nisbatan 50,5 %), qishloq aholisi soni 16 787,4 ming kishini (49,5 %) tashkil etadi.Jami aholimizning 50,2 % ni erkaklar (17036,1 ming kishi), 49,8 % ni ayollar (16869,7 ming kishi) tashkil etadi.

2019 yil davomida respublika boʻyichatugʻilganbolalar soni 815,9 ming nafarni, vafot etganlar 155,0 ming kishini tashkil etgan.