Kayran mahallasi yoshlari

Angor tumanining Kayran mahallasi 3-sektor hududida joylashgan. Mahallada 4792 nafar aholi istiqomat qiladi. Shundan 1 207 nafarini 16 yoshdan 30 yoshgacha bo‘lgan yoshlar tashkil qiladi. Mahallaning asosiy drayveri dehqonchilik, chorvachilik va hunarmandchilik hisoblanadi.

Bugungi kunda yoshlarni qo‘llab-quvvatlash ularni kasb-hunarga yo‘naltirish, tadbirkorlikka jalb qilish maqsadida samarali ishlar olib borilmoqda.

-Tumanimizdagi “Ishga marhamat” monomarkazida yoshlarimiz hunar o‘rganishmoqda. Egallagan hunarlari ortidan tadbirkorlik qilish istagida bo‘lgan yoshlarga kredit ajratilib, doimiy bandligi ta’minlanmoqda. Bundan tashqari, yoshlarning bo‘sh vaqtini mazmunli tashkil qilish maqsadida to‘garaklar faoliyati ham yo‘lga qo‘yilgan. Turli tanlovlar, sport musobaqalari o‘tkazib kelinmoqda. Mahallamizdagi 12 ta ko‘cha bo‘yicha qizlar va yigitlar o‘rtasida12 tadan jamoa tashkil etilgan. Futbol va voleybol musobaqalari doimiy o‘tkazib kelinadi,-deydi Kayran mahallasi yoshlar yetakchisi Ahror Ahmedov.