Angor tumanida 90 ta xonadon kalitlari oʻz egalariga topshirildi.

Oʻzbekistonda aholini uy-joy bilan ta’minlash islohotlarning eng asosiy yoʻnalishlaridan biri hisoblanadi. Binobarin, mana shunday ezgu tashabbus va bunyodkorlik tufayli respublikamiz boʻylab yangi turar joylar qad rostlamoqda.

Angor tumanining Sharq guli mahallasida ham barcha qulayliklarga ega 3 ta besh qavatli ya’ni 90 ta xonadon kalitlari oʻz egalariga topshirildi. Ushbu tadbirda tuman hokimi Shohjahon Abdullayev, nuroniylar va jamoatchilik vakillari ishtirok etdi.