Jinoyat jazosiz qolmaydi

Joriy yilning 15-fevral kuni Angor tumanining uchinchi sektor binosida sayyor sud oʻtkazildi. Jinoyat ishlari boʻyicha Angor tuman sudi tomonidan oʻtkazilgan sayyor sudda tuman IIO Probatsiya guruhi nazorati ostida boʻlgan 157 nafar shaxs ishtirok etdi. Sud davomida tuman IIB boshligʻining 7 nafar nazorat ostidagi shaxslar boʻyicha taqdimnomasi koʻrib chiqildi. Jinoyat ishlari boʻyicha Angor tuman sudi tomonidan 6 nafar nazorat ostidagi shaxslar shartli ravishda muddatidan oldin ozod qilindi. Afsuski, ozodlikni cheklash jazosida belgilangan tartiblarga rioya qilmaganligi sababli bir nafar nazorat ostidagi shaxs Angor tuman sudi tomonidan ozodlikdan mahrum qilish jazosiga almashtirildi.
Xulosa qilib aytganda, adashganlarga yoʻl koʻrsatib, ularga mehr qoʻlini choʻzish xalqimizga xos fazilatdir. Biroq, shuni unutmaslik kerakki, jinoyat jazosiz qolmaydi.