Hokim va yoshlar uchrashuvi

Tumanning birinchi sektor hududiga qarashli Ulug‘bek mahallasida hokim va yoshlar uchrashuvi bo‘lib o‘tdi. Unda Ulug‘bek, Yangiobod va Ho‘janqon mahallasida yashovchi yoshlar ishtirok etishdi. Ochiq muloqot tarzida o‘tkazilgan uchrashuv avvalida, tuman hokimi Shohjahon Abdullayev yurtimizda amalga oshrilayotgan islohotlar va unda yoshlar ishtiroki xususida atroflicha so‘z yuritdi. Shundan so‘ng, tuman rahbari yoshlarning murojaatlari va fikrlarini tingladi. Shuningdek, tadbirkorlik faoliyatini boshlash istagida bo‘lgan yoshlarning takliflarini hokim qo‘llab-quvvatladi.