Qishloq xo‘jaligi mahsulotlari eksport qilinmoqda

So‘nggi yillarda oziq-ovqat mahsulotlarini yetishtirish hajmlarini ko‘paytirish orqali ichki bozorni sifatli mahsulotlar bilan ta’minlash hamda mamlakatning eksport salohiyatini oshirish maqsadida ekin maydonlari sezilarli darajada kengaytirildi. Xususan, qishloq xo‘jaligi mahsulotlari yetishtirishga ixtisoslashgan Angor tumanida ham jahon bozorlari talablariga javob bera oladigan raqobatbardosh qishloq xo‘jaligi mahsulotlarini yetishtirishga alohida e’tibor qaratildi. Tumanda yetishtirilgan qishloq xo‘jaligi mahsulotlari mahalliy bozorlaga shuningdek, xorijiy davlatlarga yetkazib beriladi.

  2021 yilda 8 mln 800 ming AQSh dollari miqdorida eksport rejasi belgilangan bo‘lsa, yil yakuniga qadar 10 mln 300 ming AQSh  dollari miqdorida eksport amalga oshirilgan. Ya’ni reja 117 foizga bajarilgan. Joriy yilda ham tumanda yetishtirilgan qishloq xo‘jaligi mahsulotlari ichki bozorlarga va xorijiy davlatlarga yetkazib berilmoqda.