Salomatlik yo‘laklari

Angor tumanida yurtboshimizning 2020-yildagi «Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida»gi Farmoni ijrosini ta’minlash maqsadida samarali ishlar yo‘lga qo‘yilgan. Tumanda tashkil etilgan piyoda va velosipedda yurish uchun mo‘ljallangan «Salomatlik yo‘laklari» aholi o‘rtasida sog‘lom turmush tarzini mustahkamlashga, ularning jismoniy tarbiya va sport bilan ommaviy tarzda shug‘ullanishlariga xizmat qilmoqda.
Tuman markazidagi “Oybek” ko‘chasida qurilgan “Salomatlik yo‘laklari”da aholi uchun yanada qulaylik yaratish maqsadida obodonlashtirish ishlari olib borilmoqda.