Yurt posbonlari

Angor tumanida 25 – oktabr “Ichki ishlar idoralari xodimlari kuni” munosabati bilan tadbir bo‘lib o‘tdi. Tadbirda tuman hokimi, sektor rahbarlari va ichki ishlar organlarida xizmat qilayotgan fidoyi xodimlar, sohada uzoq yillar samarali mehnat qilib bugungi kunda keksalik gashtini surayotgan bir guruh faxriylar ishtirok etdi. Tuman hokimi Shohjahon Abdullayev so‘zga chiqib, tuman hududida jinoyat va huquqbuzarliklarning oldini olish borasida ichki ishlar organlari tomonidan tezkor-profilaktik chora-tadbirlar olib borilayotgani, bunda har bir xodimning alohida o‘rni borligini e’tirof etdi. Tadbirda o‘z xizmat vazifalariga sidqidildan yondoshib, jinoyatchilikka qarshi kurashish va uning oldini olish bilan bir qatorda tuman hududida olib borilayotgan tadbirlarda faol ishtirok etib kelayotgan fidoyi xodimlarning bir guruhiga tuman hokimligining qimmatbaho sovg‘alari topshirildi.Shundan so‘ng, tadbir ishtirokchilari bir piyola choyga taklif etildi.