Bo‘sh ish o‘rinlari yarmarkasi

    Angor tumanidagi «Ishga marhamat» monomarkazida tuman hokimligi va Aholi bandligiga ko‘maklashish markazi tashabbusi bilan bo‘sh ish o‘rinlari yarmarkasi tashkil etildi Uda 46 ta tashkilot, korxona va muassasa 328 ta vakant bo‘sh ish o‘rni bilan qatnashdi.

Tadbirda 220 dan ortiq ishsiz fuqarolar ishtirok etdi. Yarmarka davomida o‘zlariga maqbul keladigan ish qidirib, kelgusida o‘z kasbi va mutaxassisligi bo‘yicha ish o‘rniga ega bo‘lish maqsadida kelgan ishsiz fuqarolardan 64 nafari bilan mehnat shartnomasi rasmiylashtirildi. Shuningdek, murojaat qilgan fuqarolarning 100 nafarga yaqiniga o‘zlarining qiziqishi asosida monomarkazda hunar o‘rganishi uchun yo‘llanma berilgan bo‘lsa, 57 nafar fuqaroga mehnat qonunchiligi bo‘yicha maslahatlar berildi.

–Yarmarkaga kelib ishli bo‘ldim,-deydi “Yangi turmush” mahallasida yashovchi Sevara Uralova. 25-sonli umumta’lim maktabiga ishga kirdim. Endi men ham ishlab oilamga daromad olib kiraman. Bundan xursandman.

Tadbirda Sevara Uralova kabi ishsiz fuqarolar ishli bo‘lganidan juda mamnun bo‘lishdi.