Bayram tadbirlari davom etmoqda

 Yurtimizda 9-may “Xotira va qadrlash kuni”ni munosib nishonlash maqsadida turli tadbirlar, uchrashuvlar o‘tkazilmoqda. Xususan, Angor pedagogika kollejida faxriy o‘qituvchilar, o‘quvchilar ishtirokida  “Xotira abadiy-qadr muqaddas” mavzusida tadbir o‘tkazildi. Dastlab, “Sog‘lom hayot uchun 1000 qadam” shiori ostida marofon o‘tkazildi.

Tadbir davomida mehnat faxriylari bilan uchrashuv ham tashkil etildi. Uchrashuvda nuroniylar bugungi kunlar uchun shukrona aytib, yoshlarni tinchlik-osoyishtalik qadriga yetib yashashga da’vat etdilar. Tadbir davomida kollej o‘qituvchilari va o‘quvchilari ishtirokidagi bayram dasturi namoyish etildi.

  Albatta, ajdodlar ruhiga hurmat xalqimizning eng oliy fazilatlaridan biridir. O‘zbek xalqi vatani, xalqining farovonligi, tinchligi yo‘lida jonini fido etgan farzandlarini hech qachon unutmaydi.