Сиз, азизларни, гўзал баҳор байрами 8-март – Халқаро хотин-қизлар куни муносабати билан чин кўнгилдан муборакбод этаман.

Ҳаётимизнинг кўрки ва файзи, жамият ва оиланинг устуни бўлган хотин-қизларимизни ҳурмат қилиш доно халқимиз учун азалдан юксак қадрият бўлиб келган. Аёлларимиз ҳар бир соҳада гўзал ибрат ва намуна кўрсатиб келмоқда.

Юртимиз ривожланишида ҳам опа-сингилларимиз меҳнатлари алоҳида ўринга эга. Улар ўз ақл-заковати, туганмас меҳри ва фидойилиги билан доимо барчага ўрнак бўлиб келмоқдалар. Уларнинг билиму тажрибаси ва ташаббускорлигига ҳар бир ишимизда таянамиз. Мунис опа-сингилларимизнинг бундан кейинги меҳнат фаолияти ҳам унумли ва баракали бўлсин.

Муҳтарама опа-сингиллар!
Яна бир бор бугунги гўзаллик ва нафосат байрами билан сизларни самимий қутлайман. Сизларга узоқ умр, мустаҳкам соғлиқ, оилавий бахт тилаб қоламан. Баҳор кайфияти сиз, азизларга, доимо ҳамроҳ бўлсин!

Байрамингиз муборак бўлсин!