Бугунги кунда Ангор туманидаги 36 та маҳаллада тадбиркорликни ривожлантириш, иш ўрни яратиш, камбағалликни қисқартириш ва оилалар даромадини кўпайтириш мақсадида 36 нафар ҳоким ёрдамчиси фаолият олиб бормоқда.

Улар ўзига бириктирилган маҳаллаларда дастурлар доирасида ажратилган кредитлардан мақсадли фойдаланилишини ва уларнинг самарадорлигини мониторинг қилиб боришмоқда. Натижада янги иш ўринлари яратилиб, фуқароларнинг бандлиги таъминланмоқда.

-Мен Занг гиламбоб маҳалласида яшайман. Маҳалламиздаги ҳоким ёрдамчисига кредит асосида мотокултиватор олиш масаласида мурожаат қилдим. Яшаш шароитимиз билан танишиб чиқиб, кредит асосида мотокултиватор беришди. Эндиликда оиламнинг иқтисодий даромадини кўпайтириш имкониятига эга бўлдим,-дейди. Олим Чориев.