Ангор тумани “Каттақум” маҳалла фуқаролар йиғинининг янги биноси иккинчи сектор раҳбари ташаббуси билан қурилиб, фойдаланишга топширилди. Бу албатта, маҳаллада истиқомат қилувчи 1042 та оилага ажойиб туҳфа бўлди.
Бинонинг очилиш маросимида туман ҳокимининг ўринбосари, Маҳалла ва оилани қўллаб-қувватлаш бўлими бошлиғи Ч.Ражабова иштирок этиб, сўнгги йилларда мамлакатимизда маҳалла инстути фаолиятини янада ривожлантириш, уни энг халқчил тузилмага айлантириш борасида қатор ишлар амалга оширилаётганини таъкидлади.