Вилоят ҳокими Ангор туманида уйма-уй аҳолининг муаммоларини ўрганиш жараёнида “Каттақум” маҳалласида яшовчи  Азамат Йўлдошевнинг ҳам хонадонида бўлиб, унинг  яшаш шароити билан танишганди. Хонадон аъзолари вилоят ҳокимига янги уй қуришда амалий ёрдам сўраб мурожаат қилганди. Уларнинг мурожаатлари ўз ечимини топиб, айни кунда қурилиш ишлари олиб борилмоқда.

-Тўрт нафар фарзандим бор. Турмуш ўртоғим иккинчи гуруҳ ногирони. Оиламиздаги иқтисодий етишмовчиликлар сабабли янги уй қуришга имкониятимиз етмаётганди. Бизга уч хонали уй қуриб бериляпти. Бунинг учун давлатимиздан миннатдормиз,-дейди оила бекаси Турсуной Мирзаева.