Бугун Ангор туманининг Шарқ гули маҳалласи ҳудудида жойлашган алоҳида таʻлим эҳтиёжлари бўлган кўзи ожиз болалар учун ихтисослаштирилган “Нурли маскан” мактаб-интернатида буюк мутафаккир шоир Алишер Навоий таваллудининг 584 йиллиги муносабати билан тадбир ўтказилди. Унда Ҳазрат Навоийнинг ҳаёти, бой маданий мероси ва бугунги кундаги қадр-қиммати хусусида фикр юритилди. Ғазал ва рубоийларидан намуналар ўқилди.

Тадбир давомида ўқувчилар ўртасида "Заковат" интелектуал ўйини ўтказилди. Ўйин давомида Алишер Навоий ҳаёти ва ижодига оид саволлар ўртага ташланди.

Тадбирда фаол қатнашган иштирокчиларга совғалар берилди.