Маънавияти нуқсонли бўлган киши борки, хатти-ҳаракати оқибатини ўйламай  иш қилиб, жиноятчи, деган тамғани орттириб олади. Бугун эътиборингизга ҳавола этилаётган жиноят тафсилоти иштирокчи ҳам бир умидвор муштипар ёш оиланинг бошлиғи.  

Афсуски, жиноят йўлини танлаган йигит жисмонан соғлом, тоғни урса талқон қиладиган ёшда. Бироқ, у оғирнинг устидан, енгилнинг остидан ўтишни афзал кўрган одам. 

Суднинг ҳукмига кўра, А.Жасурбоев (исми шарифи ўзгартирилган) ўзининг яшаш ҳонадонида қонунга хилоф равишда бойлик орттириш мақсадида кўп миқдорда бўлган “Марихуана” гиёҳвандлик воситасини келгусида сотиб ўтказиш мақсадида сақлаб келаётган ҳолати ҳақида “Х” исмли шахснинг Денов тумани ИИБ бошлиғи номига ёзган аризасига ҳамда олинган тезкор маълумотга асосан, Денов тумани ИИБ ЖҚБ ва ТҚХ Т ва ЧХТГ ҳодимлари биргаликда 2024 йил 06 сентябрь куни соат 19:30 да А.Жасурбоевнинг Денов тумани “Даштичинор” маҳалласида жойлашган яшаш ҳонадонида тезкор тадбир давомида шартли ҳаридор сифатида киритилган “Х” исмли шахсга, 1.000.000 (бир миллион) сўм миқдоридаги пулларга ёнида бўлган 5 (беш) дона “Спички” ёзувли гугурт қутисига солиб қадоқланган ўзига хос ўткир хидли, яшил рангли соф оғирлиги 22,21 (йигирма икки бутун юздан йигирма бир) грамм “Марихуана” гиёҳвандлик воситасини сотаётган ҳолати аниқланиб, видеокамера қўлланган ҳолда ҳолислар иштирокида Пакет №1 га 5 (беш) дона “Спички” ёзувли гугурт қутисига солиб қадоқланган “Марихуана” гиёҳвандлик моддаси тегишли тартибда расмийштириб олинган.

Шундан сўнг, шу куни соат 19.35 ларда судланувчи А.Жасурбоевнинг Денов тумани “Даштичинор” МФЙдаги яшаш хонадонида Денов тумани ИИБ ЖҚБ ва ТҚХ Т ва ЧХТГ ҳодимлари биргаликда кечиктириб бўлмас кўздан кечириш тергов ҳаракати ўтказилганида қонунга хилоф равишда кўп миқдорда бўлган “Гашиш” гиёҳвандлик воситасини ўтказиш мақсадини кўзламасдан сақлаб келаётган соф вазни 4,01 (тўрт бутун юздан нол бир) грамм “Марихуана” гиёҳвандлик моддаси яшаш ҳонадонидаги яшаш ҳоналари бирида дастурхон устида бир дона “Спички” ёзувли гугурт қутисига солиб сақлаб келаётганлиги аниқланиб, ҳужжатлаштириб олинган.

Сурхондарё вилояти ИИБ ЭКБнинг 07.08.2024 йилдаги №303-сонли хулосасига кўра фукаро А.Жасурбоевдан олинган 1-рақамли 5 (беш) дона “СПИЧКИ” ёзувли гугурт қутиларида бўлган яшил рангли, майдаланган, ўзига хос ўткир хидли, қуруқ ҳолдаги, ўсимлик қисмлари моддалари таркибида фаол тетрагидроканнабинол моддаси мавжуд бўлиб, гиёҳвандлик воситалари турига кириши, ушбу ўсимлик моддаси “марихуана” гиёҳвандлик воситаси экани, 1-рақамли 5 (беш) дона “СПИЧКИ” ёзувли гугурт қутиларида бўлган “марихуана” гиёҳвандлик воситаларининг жами соф оғирлиги 22,21 (йигирма икки бутун юздан йигирма бир) граммни ташкил қилиши;

2-рақамли 1 (бир) дона “СПИЧКИ” ёзувли гугурт қутиларида бўлган “марихуана” гиёҳвандлик воситаларининг жами соф оғирлиги 

4,01 (тўрт бутун юздан ноль бир) граммни ташкил қилиши қайд этилган.

Судда судланган А.Жасурбоев айбига тўлиқ иқрор ва пушаймонлик билдириб суддан қонуний енгиллик беришни сўраган. 

Ушбу жиноят иши жиноят ишлари бўйича Денов туман суди томонидан кўриб чиқилиб, иш ҳужжатлари атрофлича ўрганилиб, суднинг 2025 йил                     9 январь кунидаги ҳукмига кўра, Жасурбоев Азимжон Анвар ўғлига нисбатан Ўзбекистон Республикаси ЖК 273-моддасининг 5-қисми билан ЖКнинг                      57-моддасини қўллаб, 5 йил муддатга озодликдан маҳрум қилиш жазоси,                ЖК 276-моддаси 2-қисмининг “а” банди билан 3 йил муддатга озодликдан маҳрум қилиш жазоси, ЖКнинг 59-моддаси тартибида, тайинланган жазоларни қисман қўшиш йўли билан узил-кесил 5 йил 6 ой муддатга озодликдан маҳрум қилиш жазоси тайинланган.

Жиноят иши Сурхондарё вилоят суди жиноят ишлари бўйича судлов ҳайъати кассация инстанциясида судланган А.Жасурбековнинг кассация тартибидаги шикоятига асосан 2025 йил февраль ойининг 10 куни кўриб чиқилиб, жиноят ишлари бўйича Денов туман судининг 2025 йил 9 январь кунидаги ҳукми ўзгаришсиз, шикоят қаноатлантирилмасдан қолдирилган.

            Ҳалқимизда “Саёқ юрсанг таёқ ейсан” деган доно бир ҳикмат бор.  

Мана кўза кунда эмас, кунида синадиган кун келди. Қонуннинг қўли узун, нигоҳлари ўткир. Унинг назаридан, қатъий талабидан, қолаверса, жазодан қочиб қутилиб бўлмайди.  

Сурхондарё вилоят суди 

жиноят ишлари бўйича 

судлов ҳайъати судьяси                    Ж.Худойбердиев