Ангор тумани ҳокимлиги ишчи гуруҳи аъзолари ҳамда Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси вилоят ҳудудий бошқармасининг соҳага алоқадор масъул ходимлари билан ҳамкорликда тарғибот тадбирлари ўтказилди.

Тадбиркорлар томонидан ноқонуний ўрнатилган реклама воситалари, ахборот ёзувлари, эълонлар, пешлавҳалар, ташқи реклама баннерлари олиб ташланди.

Рекламаларни тайёрлаш, тарқатиш ва жойлаштиришда қонунчиликда белгиланган талабларга риоя этмаган тадбиркор ҳамда муассаса раҳбарларига огоҳлантиришлар берилди.

Эслатиб ўтамиз!
“Реклама тўғрисида”ги Ўзбекистон Республикаси Қонунининг 47-моддасига асосан, реклама тўғрисидаги қонунчиликни бузганлик - базавий ҳисоблаш миқдорининг эллик бараваридан юз бараваригача миқдорида жарима солинишига сабаб бўлади.