Маълумки, воҳамиз деҳқонлари ғўза етиштириш бўйича бой тажриба эга. Ангор туманида ҳам ҳар йили эртапишар, ҳосилдор ва юқори сифатли толага эга ғўза навлари экилади. Туманда жорий йил ҳосили учун 5650 гектар майдонда ғўза парвариш қилинмоқда. Шундан, 3550 гектар майдонга ғўзанинг ингичка толали “Сурхон 14” нави  экилган. Ғўзанинг пишиш даври 118-122 кунни ташкил қилади. Ҳар бир бўғинида 2-3 донадан, айримларида 4 донагача ҳосил элементлари бўлади. Деҳқонлар томонидан ўз вақтида олиб борилган агротехник тадбирлар натижасида тумандаги “Ангор Сурхон ғурури” далаларида ғўза гуллади.