Бугун Ангор тумани ҳокимлигида навбатдаги "Ҳокимлик соати" бўлиб ўтди. Уни туман ҳокими Қосим Мардонов олиб борди. Ҳокимлик ходимлари ҳамда корхона-ташкилотлар раҳбарлари иштирок этган мазкур йиғилишда қатор масалалар муҳокамаси бўлиб ўтди.

Хусусан, ижро интизоми, мурожаатлар ижроси, аҳоли бандлигини таъминлаш масалалари бўйича олиб борилаётган ишлар таҳлил қилинди.

Туман раҳбари аниқланган камчиликлар, йўл қўйилган хатоларни бартараф этиш бўйича кўрсатма ва топшириқлар берди.

Шунингдек, жорий ҳафтада амалга оширилиши лозим бўлган ишлар белгилаб олинди.