Ангор туманида Ўзбекистон Республикаси Президентининг “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги қарори ижроси доирасида спорт мусобақаси ташкил этилди. Унда мактаб ўқувчилари ҳамда уюшмаган ёшлар иштирок этди.  Мамлакатимизда шахматни оммавий спорт турига айлантириш, ўсиб келаётган ёш авлоднинг интеллектуал ва маданий ривожланиши учун зарур шарт-шароитлар яратиш мақсадида ўтказилган шахмат мусобақаси якунида ғолиб бўлган иштирокчиларга туман ҳокимлигининг совғалари топширилди.